PREX EUCHARISTICA II
Haec Prex semper dici potest, sive cum praefatione propria, sive cum praefatione Missae convenienti. Sed in sollemnitatibus et diebus infra octavam quando fít de ea, tantum adhiberi potest cum praefatione propria Missae diei.
Sacerdos exspectat donec omnes ad praefationem in silentio audiendam sint parati. Quam introducit, manus ante umeros tenens, dicendo:
V. Dóminus vobíscum.R. Et cum spíritu tuo.
V. Sursum corda.
R. Habémus ad Dóminum.
V. Grátias agámus Dómino Deo nostro.
R. Dignum et iustum est.
Vere dignum et iustum est, æquum et salutáre, nos tibi, sancte Pater, semper et ubíque grátias ágere per Fílium dilectiónis tuæ Iesum Christum, Verbum tuum per quod cuncta fecísti, quem misísti nobis Salvatórem et Redemptórem, incarnátum de Spíritu Sancto et ex Vírgine natum. Qui voluntátem tuam adímplens et pópulum tibi sanctum acquírens, exténdit manus cum paterétur, ut mortem sólveret et resurrectiónem manifestáre. Et ídeo cum Angelis et ómnibus Sanctis glóriam tuam prædicámus, una voce dicéntes:
Modice inclinatus, manibus iunctis.
Sanctus, Sanctus, Sanctus Dóminus Deus Sábaoth. Pleni sunt caeli et terra glória tua. Hosánna in excélsis. Benedíctus qui venit in nómine Dómini. Hosánna in excélsis.
Manus ante umeros tenens.
In concelebratione, solus celebratis principali dicit:
Vere Sanctus es, Dómine, fons omnis sanctitátis.
Manibus super oblata expansis.
In concelebratione, omnes simul dicunt:
Hæc ergo dona, quaésumus, Spíritus tui rore sanctífica: ut nobis Corpus et Sanguis fiant (Signat oblata et iungit manus.) Dómini nostri Iesu Christi.
Qui cum Passióni voluntárie traderetur (Accipit panem et tenet elevatum.) accépit panem et grátias agens fregit : dedítque discípulis suis, dicens.
Modice inclinatus.
Accípite et manducáte ex hoc omnes: hoc est ením Corpus meum: quod pro vobís tradétur.
Corpus Domini elevat in altum, reponit super patenam et profunde inclinat.
Accipit utraque manu calicem dicens:
Símili modo, postquam cenátum est, accípiens et Cálicem : íterum grátias agens dedit discípulis suis, dicens.
Modice inclinatus.
Accípite et bíbite ex eo omnes: hic est enim calix Sanguinis mei: novi et ætérni testamenti, qui pro vobis et pro multis effundétur: in remissiónem peccatórum. Hoc fácite in meam commemorátiónem.
Calicem paulo elevat, super corporale reponit, ac cooperit et profunde inclinat.
Manibus modo crucifixi extensis.
Mémores ígitur mortis et resurrectiónis eius tibi, Dómine, panem vitæ et cálicem salutis offérimus: grátias agéntes quia nos dignos habuísti astáre coram te et tibi ministráre. Et súpplices deprecamur ut Córporis et Sánguinis Chrísti partícipes: a Spíritu Sancto congregentur in unum.
COMMEMORATIO PRO VIVIS
In concelebratione, dici potest ab uno e concelebrantibus:
Recordáre, Dómine, Ecclésiæ tuæ toto orbe diffúsæ, ut eam in caritáte perfícias una cum Papa nostro N. et Epíscopo nostro N. et univérso clero.
In ipsa die professionis perpetuae additur:
Recordáre, quoque, Dómine, istíus fratris, qui hódie se tibi dicávit perpétuo servítio, et concéde, ut ad te semper cor atque mentem érigat noménque tuum gloríficet.
COMMEMORATIO PRO DEFUNCTIS
In concelebratione, dici potest ab altero e concelebrantibus:
Meménto étiam fratrum nostrórum, qui in spe resurrectiónis dormiérunt, omniúmque in tua miseratióne defunctórum, et eos in lumen vultus tui admítte. Omnium nostrum, quaésumus, miserére, ut cum beáta Dei Genetríce Vírgine María, beátis Apóstolis et ómnibus Sanctis, qui tibi a saéculo placuérunt, ætérnæ vitæ mereámur esse consórtes, et te laudémus et glorificémus per Fílium tuum Iesum Christum.
In Missis pro defunctis sumi potest:
Meménto fámuli tui (fámulæ tuæ) N., quem (quam) (hódie) ad te ex hoc mundo vocásti. Concéde, ut, qui complantátus (quæ complantáta) fuit similitúdini mortis Fílii tui, simul fiat et resurrectiónis ipsíus. Meménto étiam fratrum nostrórum, qui in spe resurrectiónis dormiérunt, omniúmque in tua miseratióne defunctórum, et eos in lumen vultus tui admítte. Omnium nostrum, quaésumus, miserére, ut cum beáta Dei Genetríce Vírgine María, beátis Apóstolis et ómnibus Sanctis, qui tibi a saéculo placuérunt, ætérnæ vitæ mereámur esse consórtes, et te laudémus et glorificémus per Fílium tuum Iesum Christum.
DOXOLOGIA FINALIS PRECIS EUCHARISTICAE
Calicem discooperit et inclinat profunde. Tenens hostiam utraque manu super calicem, elevat Corpus et Sanguinem Domini. In concelebratione, omnes dicunt:
Per ipsum, et cum ipso, et in ipso, est tibi Deo Patri omnipoténti, in unitáte Spíritus Sancti, omnis honor et glória per ómnia saécula sæculórum.
Adstantes: Amen.