II PRAEFATIO DE B. VIRGINE MARIA
Dicitur Et te in Maternitáte, vel Compassióne, vel Visitatióne, vel Assumptióne, vel Nativitáte, vel Præsentatióne, vel Conceptióne Immaculáta, secundum denominationem festi (seu mysterii). In omnibus aliis festis dicitur Et te in Commemoratióne, nisi aliud notetur.
In Missis votivis, in quibus speciale mysterium non sit exprimendum, dicitur Et te in veneratióne.
Vere dignum et iustum est, aequum et salutáre, nos tibi semper et ubíque grátias ágere: Dómine, sancte Pater, omnípotens ætérne Deus.
Et te in veneratióne, vel N. Beatae Mariae semper Vírginis laudáre, benedícere, et prædicáre: Quæ et Unigénitum tuum Sancti Spíritus obumbratióne concépit, et virginitátis glória permanénte, huic mundo lumen ætérnum effúdit, Iesum Christum Dóminum nostrum.
Per quem maiestátem tuam laudant Angeli, adórant Dominatiónes, tremunt Potestátes: Cæli cælorúmque Virtútes, ac beáta Séraphim sócia exsultatióne concélebrant.
Cum quibus et nostras voces ut admítti iúbeas deprecámur súpplici confessióne dicéntes:
Sanctus, Sanctus, Sanctus…