Prezentujemy Państwu przedruk z Mszału Kartuskiego z 1981 r.
(w przedruku pominięto II, III i IV Modlitwę Eucharystyczną oraz wszelkie prefacje)
MISSALE CARTUSIENSE
PATRIS D. ANDREÆ
PRIORIS CARTUSIÆ
ET TOTIUS ORDINIS MINISTRI GENERALIS STUDIO ET CURA EDITUM
TYPIS MAIORIS CARTUSIÆ 1981
RITUS INITIALES
ACCESSUS AD ALTARE.
In Missa lecta, sacerdos ante medium altare paululum stat, mentem elevans ad Deum. Tunc altare osculatur, et signum crucis facit dicens secreto:
In nómine Patris, et Fílii, et Spíritus Sancti. Amen.
Deinde ad adstantes conversus, manus extendens et iungens, dicit:
Dóminus vobíscum.
Adstantes respondent:
Et cum spíritu tuo.
Sacerdos responsum inclinans recipit, et descendit in planum, ubi stans ad cornu sinistrum, confessionem facit.
In Missa conventuali sacerdos ad altare accedit dum canitur Introitus.
Diebus dominicis et sollemnibus, ad gradum sanctuarii orat profunde inclinatus, altare osculo veneratur et vadit ad cathedram. Aliis diebus, ante medium altare inclinatus orat in silentio, et, ipsum altare osculo veneratus, ibi permanet. Finito cantu, vertit se ad conventum et signum crucis cum illo facit, submissa voce dicens:
In nómine Patris, et Fílii, et Spíritus Sancti. Amen. Postea adstantes salutat, manus extendens et iungens:
Dóminus vobíscum. Tunc vadit ad cathedram.
ACTUS PAENITENTIALIS.
In conventu omittitur quando aliquod Officium in ecclesia Missam praecedit, vel quando fit aliqua benedictio.
In Missa lecta semper fit, nisi quando consecutive celebrantur plures Missae, in quo casu omitti potest in secunda et tertia Missa.
Primum fit examen conscientiae in silentio. Deinde:
Sacerdos: Adiutórium nostrum in nómine Domini / Adstantes: Qui fecit caelum et terram / Deinde sacerdos et adstantes simul dicunt:
Confíteor Deo et vobis, fratres, quia peccávi nimis, mea culpa, per supérbiam, cogitatióne, locutióne, ópere et omissióne; precor beátam Maríam, omnes sanctos et vos, fratres, oráte pro me.
Sacerdos: Misereátur nostri omnípotens Deus per intercessiónem beátæ Mariae et ómnium sanctórum, et dimíttat nobis ómnia peccáta nostra et perdúcat ad vitam ætérnam / Adstantes: Amen.
In Missa solitaria dicitur:
Confíteor Deo, quia peccávi nimis, mea culpa, per supérbiam, cogitatióne, locutióne, ópere et omissióne; precor te, o piíssima Dei Génetrix, et vos, omnes sancti, oráte pro me.
Misereátur mei omnípotens Deus per intercessiónem tuam, o piíssima Dei Génetrix, et vestram, omnes sancti, et dimíttat mihi ómnia peccáta mea et perdúcat ad vitam ætérnam.
In Missa lecta, post actum paenitentialem sacerdos ante gradum altaris profunde inclinatus orat in silentio. Deinde accedit ad altare, in cuius medio per totam Missam regulariter stabit. Et dicit Introitum.
KYRIE
In Missa lecta a sacerdote et ministro alternatim dicuntur.
In Missa conveníuali a duobus choris alternatim cantantur.
Kýrie, eléison. Kýrie, eléison. Kýrie, eléison.
Christe, eléison. Christe, eléison. Christe, eléison.
Kýrie, eléison. Kýrie, eléison. Kýrie, eléison.
GLORIA IN EXCELSIS.
Dicitur sequentibus diebus, si Missa diei celebratur:
- in sollemnitatibus et infra octavus;
- in dominicis et festis 12 lectionum;
- in Vigiliis Paschae et Pentecostes;
- in Memoriis B. V. Mariae.
Dicitur etiam in sequentibus Missis votivis:
- de SS. Trinitate et de Spiritu Sancto;
- Domini, praeter Missas de Cruce et de Passione;
- V. Mariae, praeter Missam de Compassione;
- Angelorum, S. Ioseph et S. P. N. Brunonis;
- necnon pro gratiarum actione.
Extra conventum dici etiam potest ad libitum celebrantis in omnibus Missis cuiusque sancti.
Omittitur tamen in omnibus Missis Tempore Adventus et Quadragesimae, sollemnitatibus exceptis.
Omittitur etiam in Missa Dominicae praecedentis infra hebdomadam litata.
Glória in excélsis Deo. Et in terra pax homínibus bonæ voluntátis. Laudámus te. Benedícimus te. Adorámus te. Glorificamus te. Grátias ágimus tibi propter glóriam tuam magnam. Dómine Deus, Rex cæléstis, Deus Pater omnípotens.
Dómine Fili unigénite Iesu Christe. Dómine Deus, Agnus Dei, Fílius Patris. Qui tollis peccáta mundi, miserére nobis. Qui tollis peccáta mundi, súscipe deprecatiónem nostram. Qui sedes ad déxteram Patris, miserére nobis. Quóniam tu solus Sanctus. Tu solus Dóminus. Tu solus Altíssimus, Iesu Christe.
Cum Sancto Spíritu in glória Dei Patris. Amen.
COLLECTA.
Sacerdos manus iungens dicit: Oremus.
Et paulisper inclinatus orat in silentio. Deinde erigens se collectam dicit, quae sic concluditur:
Si dirigitur ad Patrem:
Per Dóminum nostrum Iesum Christum Fílium tuum / qui tecum vivit et regnat in unitáte Spíritus Sancti, Deus: per ómnia sæculá sæculórum.
Si dirigitur ad Patrem, sed in fine eius fit mentio Filii:
Qui tecum vivit et regnat in unitáte Spíritus Sancti, Déus / per ómnia sæculá sæculórum.
Si dirigitur ad Filium:
Qui vivis et regnas cum Deo Patre in unitáte Spíritus Sancti, Déus / per ómnia sæculá sæculórum.
LITURGIA VERBI
LECTIO, ETC…
In Missa lecta, sacerdos legere potest lectionem (vel lectiones) versus ad audientes, sicut et Evangelium.
EVANGELIUM.
In Missa lecta ante Evangelium sacerdos modice inclinatus manibus iunctis dicit secreto:
Dóminus sit in corde meo et in lábiis meis, ut recte pronúntiem Evangélium pacis.
Sacerdos: Dóminus vobíscum.
Minister: Et cum spíritu tuo.
Sacerdos: Léctio (Inítium, Conclúsio) sancti Evangélii…
Et sacerdos cum adstantibus fit signum crucis ad responsionem: Glória tibi, Dómine.
Lecto Evangelio, sacerdos librum osculo veneratur.
In Missa conventuali, sacerdos accedente diacono caput discooperit, et surgit. Si dies ita fert, imponit incensum turibulo. Diacono dat benedictionem dicens:
Dóminus sit in corde tuo et in lábiis tuis, ut recte nobis pronúnties Evangélium pacis.
Et iuvat diacono ad induendam stolam.
Proclamationem sancti Evangelii manibus iunctis auscultat.
CREDO
Dicitur sequentibus diebus, in omnibus Missis de vivis praeter Missam de Vigilia:
- in sollemnitatibus, excepta sollemnitate S. Stephani et Feria fí
Paschae et Pentecostes; - in Cena Domini;
- in dominicis;
- in festis 12 lectionum de Domino, de B. V. Maria, necnon de
Apostolis et Evangelistis.
Credo in unum Deum, Patrem omnipoténtem, factorem caeli et terræ, visibílium ómnium et invisibílium.
Et in unum Dóminum Iesum Christum, Fílium Dei unigénitum. Et ex Patre natum ante ómnia sæculá. Deum de Deo, lumen de lúmine: Deum verum de Deo vero. Génitum non factum, consubstantiálem Patri: per quem ómnia facta sunt. Qui propter nos hómines, et propter nostram salútem descéndit de caelis. Et incarnátus est de Spíritu Sancto ex María Vírgine. Et homo factus est. Sacerdos modice inclinat in venerationem Incarnationis Domini.
Crucifíxus étiam pro nobis, sub Póntio Piláto passus: et sepúltus est. Et resurréxit tértia die secúndum scriptúras. Et ascéndit in caelum, sedet ad déxteram Patris. Et íterum ventúrus est cum glória iudicáre vivos et mórtuos: cuius regni non erit finis.
Et in Spíritum Sanctum Dóminum, et vivificántem: qui ex Patre Filióque procédit. Qui cum Patre et Fílio simul adorátur et conglorificátur: qui locútus est per Prophétas.
Et unam sanctam, Catholicam et Apostólicam Ecclésiam. Confíteor unum baptísma in remissiónem peccatórum. Et exspécto resurrectiónem mortuórum. Et vitam futúri saéculi. Amen.
ORATIO UNIVERSALIS (IN MISSA CONVENTUALI)
Habetur diebus dominicis et diebus sollemnibus quibus Credo cantatur. Sacerdos dicit eius orationem conclusivam.
LITURGIA EUCHARISTICA
OFFERTORIUM
In Missa lecta antiphona offertorii omittitur.
In Missa conventuali, incipiente cantu offertorii, sacerdos ad medium sanctuarium venit. Facta profunda inclinatione, accedit ad altare.
Sacerdos corporale explicat.
Quando vero aqua in calicem mittitur, dicit:
De látere Dómini nostri Iesu Christi exívit Sanguis et aqua in remissiónem peccatórum.
Quando lavat manus dicit:
Lavábo inter innocéntes manus meas, et circúmdabo altáre tuum, Dómine.
Et duos vel tres versus sequentes:
Ut áudiam vocem laudis, et enárrem univérsa mirabília tua. Dómine, diléxi decórem domus tuæ, et locum habitatiónis glóriæ tuæ. Ne perdas cum ímpiis, Deus, ánimam meam, et cum viris sánguinum vitam meam.
Stans in medio altari sacerdos calicem cum patena superposita elevatum tenens offert, dicens secreto:
In spíritu humilitátis et in ánimo contríto suscipiámur a te, Dómine, et sic fiat sacrifícium nostrum in conspéctu tuo hódie ut pláceat tibi, Dómine Deus.
Et facit crucem cum ipso calice, dicens:
In nómine Patris, et Fílii, et Spíritus Sancti. Amen.
Calicem super corporale reponit, et ante eum patenam, panem consecrandum continentem. Calicem superiori corporalis parte cooperit.
TURIFICATIO (IN MISSA CONVENTUALI)
Si incensum adoleri debeat, sacerdos, aqua infusa in calicem, statim oblationem facit. Deinde imponit incensum turibulo et hoc tenet elevatum super oblata dicens:
Dirigátur, Dómine, orátio mea, sicut incénsum in conspéctu tuo.
Tunc turificat semel super oblata in modum crucis his verbis: In nómine Patris, et Fílii, et Spíritus Sancti. Amen.
Et semel in modum coronae, ac deinde: ad crucem, ad cornu dextrum, ad cornu sinistrum, et ter inferius ante faciem altaris. Postquam turibulum diacono rediderit, lavat manus atque stat manibus iunctis in cornu altaris, versa facie ad crucem, donec diaconus ter eam turificaverit; tunc ante medium altare manet manibus insertis, dum diaconus illud circuit.
Quando vertit se ad populum dicit: Oráte, fratres.
ORATIO SUPER OBLATA
Ad altare reversus sacerdos modicum silentio orat, iunctis manibus. Orationem dicit sine Orémus, et sic eam concludit:
Si dirigitur ad Patrem:
Per Christum Dominum nostrum.
Si dirigitur ad Patrem, sed in fine eius fit mentio Fílii:
Qui vivit et regnat per ómnia sæculá sæculórum.
Si dirigitur ad Filium:
Qui vivis et regnas per ómnia sæculá sæculórum.
PRAEFATIONES
Sacerdos exspectat donec omnes ad praefationem in silentio audiendam sint parati. Quam introducit, manus ante umeros tenens, dicendo:
Sacerdos: Dóminus vobíscum.
Adstantes: Et Cum spíritu tuo.
Sacerdos: Sursum corda. Adstantes: Habémus ad Dóminum. Sacerdos: Grátias agámus Dómino Deo nostro. Adstantes: Dignum et iustum est.
[Post prefationem – red.]
Sacerdos modice inclinatur manibus iunctis, dum dicitur:
Sanctus, Sanctus, Sanctus Dóminus Deus Sábaoth, Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis.
RUBRICAE DE PRAEFATIONE DICENDA
Praefatio dicitur:
— sive de Tempore, scilicet quae ad ipsum Tempus liturgicum pertineat, videlicet Tempus Adventus, Nativitatis vel Epiphaniae, Quadragesimae vel Passionis, Paschae vel Ascensionis, aut etiam ad Tempus per annum; praefationes de Tempore eaedem adhibentur pro dominicis et pro diebus ferialibus;
— sive propria, scilicet alicuius festi vel festi generis, mysterii vel Missae defunctorum.
In conventu:
- diebus dominicis in Missa dominicali, infra octavas, necnon in
Missis ferialibus, dicitur aliqua praefatio congrua de Tempore; - in sollemnitatibus, dicitur praefatio propria;
- in ceteris casibus, electio libera est inter praefationem de Tem
pore et praefationem propriam.
Extra conventum: Normae sunt ut in conventu, excepto quod diebus dominicis in Missa dominicali, licet dicere praefationem de SS. Trinitate.
Preces eucharisticae II et IV praefationem habent annexam, quae praefationes (et proinde ipsa Prex IV) adhiberi possunt in omni Missa, praeterquam in sollemnitatibus, et infra octavam quando fit de ea.
Pro D. N. I. C. universorum Rege sumitur Praefatio 2, ut propria. Pro Dedicatione Ecclesiae sumitur Praefatio 15, ut propria. Pro Ss. Angelis sumitur Praefatio 17, ut propria.
ELENCHUS PRAEFATIONUM.
- Tempore Adventus I
- Tempore Adventus II
- Tempore Nativitatis.
- Ab Epiphania ad Baptismum Christi.
- In Quadragesima I
- In Quadragesima II
- Tempore Passionis I
- Tempore Passionis II
- Tempore Paschali I
- Tempore Paschali II
- Tempore Ascensionis.
- De Spiritu Sancto I
- De Spiritu Sancto II
- Per annum I
- Per annum II
- Per annum III
- Per annum
- De SS. Trinitate.
- De Corpore et Sanguine Christi.
- De SS. Corde Iesu.
- De Beata Virgine Maria I
- De Beata Virgine Maria II
- De S. Ioseph.
- De Apostolis.
- De Martyribus.
- De Doctoribus et Pastoribus.
- De Monachis.
- De Virginibus.
- De Sanctis.
- De defunctis.
PREX EUCHARISTICA – PREX EUCHARISTICA I
Profunde inclinatus, manibus iunctis.
In concelebratione, solus celebrans principalis dicit:
Te ígitur, clementíssime Pater, per Iesum Christum, Fílium tuum, Dóminum nostrum, súpplices rogámus ac pétimus, uti accépta hábeas et benedícas (Erigens se signat semel super panem et calicem simul.) hæc dona, + hæc múnera, hæc sancta sacrifícia illibáta, (Manibus modo crucifixi extensis.)
in primis, quæ tibi offérimus pro Ecclésia tua sancta Cathólica: quam pacificáre, custodíre, adunáre et régere dignéris toto orbe terrárum: una cum fámulo tuo Papa nostro N. et Antístite nostro N. et ómnibus orthodóxis atque cathólicæ et apostólicæ fídei cultóribus.
COMMEMORATIO PRO VIVIS
Manibus modo crucifixi extensis.
In concelebratione, dici potest ab uno e concelebrantibus:
Meménto, Dómine, famulórum famularúmque tuárum N. et N. et ómnium circumstántium, quorum tibi fides cógnita est et nota devótio, pro quibus tibi offérimus vel qui tibi ófferunt hoc sacrifícium laudis, pro se suísque ómnibus: pro redemptióne animárum suárum, pro spe salútis et incolumitátis suæ: tibíque reddunt vota sua ætérno Deo, vivo et vero.
COMMUNICANTES
In concelebratione, dici potest ab altero e concelebrantibus.
Communicántes, et memóriam venerántes, in primis gloriósæ semper Vírginis Mariae, Genetrícis Dei et Dómini nostri Iesu Chrísti:
In Nativitate Domini et per octavam:Communicántes,
et (noctem sanctissimam celebrántes, qua) diem sacratíssimum celebrántes, quo beátæ Mariae intemeráta virgínitas huic mundo édidit Salvatórem: sed et memóriam venerántes, in primis eiúsdem gloriósæ semper Vírginis Mariae, Genetrícis eiúsdem Dei et Dómini nostri Iesu Christi:
In Epiphania Domini:
Communicántes, et diem sacratíssimum celebrántes, quo Unigénitus tuus, in tua tecum glória coætérnus, in veritáte carnis nostræ visibíliter corporális appáruit: sed et memóriam venerántes, in primis gloriósæ semper Vírginis Mariae, Genetrícis eiúsdem Dei et Dómini nostri Iesu Christi:
In Cena Domini:
Communicántes, et diem sacratíssimum celebrántes, quo Dóminus noster Iesus Christus pro nobis tráditus est; sed et memóriam venerántes, in primis gloriósa semper Vírginis Maríæ, Genetrícis eiúsdem Dei et Dómini nostri Iesu Christi:
A Missa Vigiliae paschalis usque ad Dominicam in Albis:
Communicántes, et (noctem secretissimam) diem sacratíssimum celebrántes Resurrectiónis Dómini nostri Iesu Christi secúndum carnem: sed et memóriam venerántes, in primis gloriósa semper Vírginis Maríæ, Genetrícis eiúsdem Dei et Dómini nostri íesu Christi:
In Ascensione Domini:
Communicántes, et diem sacratíssimum celebrántes, quo Dóminus noster, Unigénitus Fílius tuus, unítam sibi fragilitátis nostræ substántiam in glóriæ tuæ déxtera collocávit: sed et memóriam venerántes, in primis gloriósa semper Vírginis Maríæ, Genetrícis eiúsdem Dei et Dómini nostri Iesu Christi:
Ad Missam Vigiliae Pentecostes, et Dominica et Feriall eiusdem:
Communicántes, et diem sacratíssimum Pentecóstes celebrántes, quo Spíritus Sanctus Apóstolis in ígneis linguis appáruit: sed et memóriam venerántes, in primis gloriósa semper Vírginis Maríæ, Genetrícis Dei et Dómini nostri Iesu Christi:
sed et beáti Ioseph, eiúsdem Vírginis Sponsi, et beatórum Apostolórum ac Mártyrum tuórum, Petri et Pauli, Andréæ, (Iacobi, Ioannis, Thomae, Iacobi, Philíppi, Bartholomæi, Matthaei, Simónis et Thaddæi: Lini, Cleti, Cleméntis, Xysti, Cornélii, Cypriáni, Lauréntii, Chrysógoni, Ioannis et Pauli, Cosmæ et Damiáni) et ómnium Sanctórum tuórum; quorum méritis precibúsque concédas, ut in ómnibus protectiónis tuæ muniámur auxílio. (Per Christum Dóminum nostrum. Amen.)
HANC IGITUR
In concelebratione, a solo celebrante principali dicitur:
Hanc ígitur oblatiónem servitútis nostræ, sed et cunctæ famíliæ tuæ, quaésumus, Dómine, ut placátus accípias, diésque nostros in tua pace dispónas, atque ab ætérna damnatióne nos éripi et in electórum tuórum iúbeas grege numerári. (Per Christum Dóminum nostrum. Amen.)
In Cena Domini:Hanc ígitur oblatiónem servitútis nostræ, sed et cunctae famíliæ tuæ, quam tibi offérimus ob diem in qua Dóminus noster Iesus Christus trádidit discípulis suis Córporis et Sánguinis mystéria celebránda: quaésumus, Dómine, ut placátus accípias, diésque nostros in tua pace dispónas, atque ab ætérna damnatióne nos éripi et in electórum tuórum iúbeas grege numerári.(Per Christum Dóminum nostrum. Amen.)
A Missa Vigiliae paschalis usque ad Dominicam in Albis, ac ad Missam Vigiliae Pentecostes, et Dominica et Feria II eiusdem Pentecostes:
Hanc ígitur oblatiónem servitútis nostræ, sed et cunctæ famíliæ tuæ, quam tibi offérimus pro his quoque, quos regeneráre dignátus es ex aqua et Spíritu Sancto, tríbuens eis remissiónem ómnium peccatórum, quaésumus, Dómine, ut placátus accípias: diésque nostros in tua pace dispónas, atque ab ætérna damnatióne nos éripi et in electórum tuórum iúbeas grege numerári.(Per Christum Dóminum nostrum. Amen.)
In ipsa die professionis perpetuae:
Hanc ígitur oblatiónem servitútis nostræ, sed et fámuli tui, quam tibi in die eius professiónis offérimus, quaésumus, Dómine, placátus áccipe et propitiátus sanctífica; ut qui, te largiénte, hódie vitam suam tibi dicávit, in Fílii tui glorióso advéntu ætérnæ Paschæ gáudio mereátur admítti. (Per Christum Dóminum nostrum. Amen.)
Manibus expansis super oblata.
In concelebratione, omnes simul dicunt:
Quam oblatiónem tu,Deus,in ómnibus, quaésumus, benedíctam, adscríptam, ratam, rationabilem, acceptabilémque f acere dignéris: ut nobis Corpus et Sanguis fiat dilectíssimi Fílii tui (Iungit manus et inclinat.) Dómini nostri Iesu Christi.
QUI PRIDIE
Qui prídie quam paterétur (Accipit panem et tenet elevatum.) accépit panem in sanctas ac venerábiles manus suas (Elevat oculos.) et elevátis óculis in cælum ad te Deum Patrem suum omnipotentem, tibi grátias agéns benedíxit: fregit dedítque discípulis suis, dicens.
In Cena Domini:Qui prídie quam pro nostra omniúmque salúte paterétur, hoc est hodie
(Accipit panem et tenet elevatum.)
accépit panem in sanctas ac venerábiles manus suas:
(Elevat oculos.)
et elevátis óculis in cælum
ad te Deum Patrem suum omnipoténtem
tibi grátias agéns benedíxit: fregit dedítque discípulis suis, dicens.
Modice inclinatus.
Accípite et manducáte ex hoc omnes: hoc est ením Corpus meum: quod pro vobís tradétur.
Corpus Domini elevat in altum, reponit super patenam et profunde inclinat.
Accipit utraque manu calicem dicens
Símili modo, postquam cénátum est: accípiens et hunc præclárum Cálicem in sanctas ac venerábiles manus suas item tibi grátias agéns benedíxit: dedítque discípulis suis, dicens.
Modice inclinat us.
Accípite et bíbite ex eo omnes: hic est enim calix Sanguinis mei: novi et ætérni testamenti: qui pro vobis et pro multis effundétur: in remissiónem peccatórum. Hoc fácite in meam commemoratiónem.
Calicem paulo altius elevat, super corporale reponit ac cooperit, et profunde inclinat.
Manibus modo crucifixi extensis.
Unde et mémores, Dómine, nos tui servi, sed et plebs tua sancta eiúsdem Christi, Fílii tui, Dómini nostri, tam beatae Passiónis, necnon et ab ínferis Resurrectiónis, sed et in cælos gloriósæ Ascensiónis: offérimus præcláræ maiestáti tuæ de tuis donis ac datis hóstiam puram, hóstiam sanctam, hóstiam immaculátam. Panem sanctum vitæ ætérnæ, et Cálicem salútís perpétuæ.
Supra quæ propítio ac seréno vultu respícere digneris et accépta habére sícuti accépta habére dignátus es múnera púeri tui iusti Abel et sacrifícium Patriárchæ nostri Abrahæ: et quod tibi óbtulit summus sacérdos tuus Melchísedech, sanctum sacrifícium, immaculatam hóstiam.
Profunde inclinatus, manibus cancellatis.
Súpplices te rogámus, omnípotens Deus, iube hæc periérri per manus sancti ángeli tui in sublíme altáre tuum, in conspéctu divínæ maiéstátis tuæ: ut quotquot ex hac altáris participatióne sacrosánctum Fílii tui Corpus et Sánguinem sumpsérimus, (Erectus signat se.) omni benedictióne + cælésti et grátia repleámur. (Per Christum Dóminum nostrum. Amen.)
COMMEMORATIO PRO DEFUNCTIS.
Manibus modo crucifixi extensis.
In concelebratione, dici potest ab uno e concelebrantibus:
Meménto étiam, Dómine, famulórum famularúmque tuárum N. et N., qui nos præcessérunt cum signo fídei, et dórmiunt in somno pacis.
Ipsis, Dómine, et ómnibus in Christo quiescéntibus, locum refrigérii, lucis et pacis, ut indúlgeas, deprecámur. (Per Christum Dóminum nostrum. Amen.)
Semel pectus dextera tangit.
In concelebratione, dici potest ab altero e concelebrantibus:
Nobis quoque peccatóribus, fámulis tuis, de multitúdine miseratiónum tuárum sperántibus, partem áliquam et societátem donáre dignéris cum tuis sanctis Apóstolis et Martýribus: cum Ioanne, Stéphano, Matthía, Bárnaba, (Ignátio, Alexándro, Marcellíno, Petro, Felicitáte, Perpétua, Agatha, Lúcia, Agnéte, Cæcília, Anastásia) et ómnibus Sanctis tuis: intra quorum nos consórtium, non æstimátor mériti, sed véniæ, quaésumus, largítor admítte.
In concelebratione, celebratis principalis solus dicit:
Per Christum Dóminum nostrum, per quem hæc ómnia, Dómine, semper bona creas, sanctíficas, vivíficas, benedícis, et præstas nobis.
DOXOLOGIA FINALIS PRECIS EUCHARÍSTICAE.
Calicem discooperit et profunde inclinat. Tenens hostiam utraque manu super calicem, elevat Corpus et Sanguinem Domini.
In concelebratione, omnes dicunt:
Per ipsum, et cum ipso, et in ipso, est tibi Deo Patri omnipoténti, in unitáte Spíritus Sancti, omnis honor et glória per ómnia sæculá sæculórum.
Adstantes: Amen.
RITUS COMMUNIONIS
ORATIO DOMINICA
Manibus iunctis.
In concelebratione, solus celebrans principalis dicit:
Præcéptis salutáribus móniti, et divína institutióne formáti, audémus dícere:
Manibus modo crucifixi extensis. In concelebratione, omnes dicunt:
Pater noster, qui es in caelis: sanctificétur nomen tuum; advéniat regnum tuum; fiat volúntas tua, sicut in caelo, et in terra. Panem nostrum cotidiánum da nobis hódie; et dimítte nobis débita nostra, sicut et nos dimíttimus debitóribus nostris; et ne nos indúcas in tentatiónem; sed líbera nos a malo.
Sacerdos manibus extensis modo crucifixi prosequitur secreto:
In concelebratione, solus celebratis principalis dicit alta voce:
Libera nos, quaésumus, Dómine, ab ómnibus malis, da propítius pacem in diébus nostris, ut, ope misericórdiæ tuæ adiúti, et a peccáto simus semper líberi et ab omni perturbatióne secúri: exspectántes beátam spem et advéntum Salvatóris nostri Iesu Christi.
PAX
Dómine Iesu Christe, da nobis illam, quam mundus dare non potest pacem.
Versus ad adstantes, et manus extendens ac iungens dicit:
V. Pax Dómini sit semper vobíscum.
R. Et cum spíritu tuo.
Et in Missa conventuali, pacem communicat diacono.
FRACTIO
Calicem discooperit, profunde inclinat, et panem eucharisticum frangit ac particulam demittit in calicem dum dicitur:
Agnus Dei, qui tollis peccáta mundi, miserére nobis.
Agnus Dei, qui tollis peccáta mundi, miserére nobis.
Agnus Dei, qui tollis peccáta mundi, dona nobis pacem.
COMMUNIO
Profunde inclinatus sacerdos quiescit aliquantulum in meditatio-ne, vel dicit aliquam ex sequentibus orationibus:
Domine Iesu Christe, Fili Dei vivi, qui ex voluntáte Patris, cooperánte Spíritu Sancto, per piíssimam mortem tuam univérsum mundum vivificásti: líbera me per hoc sacrosánctum Corpus, et Sánguinem tuum, a cunctis iniquitátibus et peccátis, et a cogitatiónibus pervérsis: líbera me ab ómnibus malis prætéritis, præséntibus, et futúris: et fac me tuis semper obœdíre mandátis, et a te numquam separári permíttas, Salvátor mundi: Qui eum Patre in unitáte Spíritus Sancti vivis et regnas, Deus, per ómnia sæculá sæculórum. Amen.
Ercéptio Córporis et Sánguinis tui, Dómine Iesu A Christe, non mihi provéniat in iudícium et condemnationem: sed pro tua pietáte prosit mihi ad tutamén-tum mentis et córporis, et ad medélam percipiéndam.
Omnibus dispositis, stans modice inclinatus, sumit socrum Corpus Christi, patena mento supposita.
Dein calicem tenens manu dextera, eique purificatorium vel pate-nam sinistra supponens, Sanguinem Domini sumit.
Communicaturo tradens Panem vitae, dicit:
V. Corpus Christi. V. Amen.
Calicem ministrans dicit:
V. Sanguis Christi. R. Amen.
Postea silentium per aliquod tempus servatur.
Sumpta prima ablutione, et purificato corporali, si opportunum videtur, et patena, ad cornu altaris secundam ablutionem accipit. Ablutiones vino sive aqua facere potest; in secunda vino usus, digitos lavat. Sumpta ablutione, corporale plicat et patenam calici superponit.
In Missa lecta, Antiphonam Communionis dicit.
POST COMMUNIONEM
Sacerdos manus iungens dicit: Orémus.
Paulisper inclinatus orat in silentio. Deinde erigens se orationem dicit, quae concluditur ut Collecta: vide supra.
In Missa lecta, si consecutive alia Missa dicetur, et in conventu si aliud Officium in ecclesia sequetur, Missa absolvitur cum Amen ad Post Communionem, quae tunc concluditur conclusione brevi, ut supra ad Orationem Super Oblata.
Aliter, versus ad adstantes sacerdos dicit:
V. Dóminus vobíscum.
R. Et cum spíritu tuo.
In Missa conventuali, diaconus, in Missa vero lecta ipse sacerdos addit:
V. Benedicámus Dómino.
R. Deo grátias.
Tempore vero Paschali dicitur:
V. Benedicámus Dómino, allelúia, allelúia.
R. Deo grátias, allelúia, allelúia.
Versus ad altare, profunde inclinat us, sacerdos dicit secreto:
Pláceat tibi, sancta Trínitas unus Deus, obséquium servitútis meæ: et præsta ut hoc sacrifícium laudis, quod indígnus in conspéctu divínæ maiestátis tuæ óbtuli, tibi sit placens: mihíque et ómnibus, pro quibus óbtuli, sit te miseránte propitiábile in vitam ætérnam. Amen.
Osculatur altare, et signum crucis cum adstantibus facit.