PRAEFATIO DE SANCTIS
Vere dignum et iustum est nos tibi semper, Pater omnípotens, offérre hymnum et laudatiónis promé-re cánticum, per Iesum Christum Dóminum nostrum.
Quia in Sanctis tuis plenitúdinem Fílii admirámur, et virtútem Spíritus Sancti percípimus, communicántes caritáti eórum qui vixérunt ad laudem glóriæ tuæ.
Quaprópter cum frequéntia Angelórum et imménsa turba beatórum, te fontem omnis sanctitátis laudámus, iucúnde canéntes:
Sanctus, Sanctus, Sanctus…